Цинкот е есенцијален елемент неопходен како на луѓето така и на животнитe. Цинкот има способност на зајакнување на отпорноста на имунолошкиот систем и зголемување на бројот на бели крвни зрнца. Неопходен е за лечење на повреди, синтеза на протеини, чување на видот и го штити организмот од оксидативни ефекти на слободните радикали.

Цинкот исто така е состојка на многу познати масти за лечење на рани. Мажите го користат кога имаат проблем со потенцијата, а се дава и на мали деца кои се заостанати во развојот. Цинкот помага во превенција и лечење на болни настинки, инфекции и ноќно слепило, помага во апсорбцијата на минералите, што значи дека може да помогне во превенција од остеопороза помагајќи му на телото да апсорбира калциум. Цинкот го подобрува здравјето на кожата и косата.

Цинкот во спортот

Во текот на регенерацијата на мускулите поради микро расцепување на ткивото што се случува како резултат на напорните тренинзи, телото на спортистот бара поголема количина на витамини и минерали вклучувајќи го и цинкот. Дури и мал дефицит на цинк може да доведе до здравствени проблеми, како што е слабеењето на имунитетот што е обично предуслов за вирусни настинки.

Со вежбање спортистите губат цинк од својот организам а сериозен дефицит може да ги загрози мускулните функции. Испитувањата извршени кај мажи спортисти со ниско ниво на цинк во крвта покажа дека само со додавање на само 20мг. Дневно се подобрува флексибилноста на црвените крвни зрнца во текот на вежбањето што доведува до подобар проток на крв во мускулите.